
विराटनगर । मुुलुकका विभिन्न स्थानमा आज (आइतबार) हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।
केही स्थानमा भारी वर्षको पनि सम्भावना छ । कोशी, बागमती र गण्डकी प्रदेशका १/२ स्थानमा भारी वर्षाको हुनसक्ने अनुमान छ ।
कोशी, मधेस, बागमती, गण्डकीका थोरै स्थान तथा लुम्बिनी, कर्णाली र सुदूरपश्चिम प्रदेशका केही स्थानमा मध्यम वर्ष हुने पूर्वानुमान गरिएको हो । देशभर आंशिकदेखि साधारणतया बदली रहने जनाएको छ।
कोशी प्रदेशको केही स्थानहरू तथा बाँकी प्रदेशका पहाडी भूभागका थोरै स्थानहरू र लुम्बिनी प्रदेशको तराई भू–भागका १/२ स्थानमा हल्कादेखि मध्यम वर्षाको सम्भावना रहेको छ।

























