युवकले गरे गोली प्रहार : पत्नीको मृत्यु, बुवा घाइते

Share this
619shares
मुलुकी खबर
मुलुकी खबर
clock२०८१ असोज १०, बिहीबार ०८:४४

सर्लाही । सर्लाहीमा १ युवकले बिहीबार बिहानका राति आफ्नै पत्नी (श्रीमती) र बुवामाथि गोली प्रहार गरेका छन् । गोली प्रहारबाट पत्नीको मृत्यु भएको छ भने बुवा घाइते भएका छन् ।

हरिपूर्वा नगरपालिका–५ का २७ वर्षीय धीरेन्द्र यादवले पत्नी २३ वर्षीया चित्ररेखा यादव र बुवा ५४ वर्षीय दिनेश यादवलाई गोली प्रहार गरेको सर्लाही प्रहरीका डीएसपी दीपक श्रेष्ठले बताए । उनका अनुसार पति (श्रीमान)को गोली प्रहारबाट चित्ररेखाको घटनास्थलमै मृत्यु भएको छ ।

सुतिरहेका बेला बिहानका राति १ः३० बजेतिर गोली प्रहार गरेर धीरेन्द्रले पत्नीको हत्या गरेको जानकारी डीएसपी श्रेष्ठले दिए । उनका अनुसार चित्ररेखाको दाहिने कन्चटमा गोली लागेको छ ।

धीरेन्द्रको गोली प्रहारबाट बुवा दिनेश घाइते भएका छन् । बायाँ हातमा गोली लागेका दिनेशको उपचार भइरहेको र अवस्था सामान्य रहेको प्रहरीले जनाएको छ । पत्नी र बाबुलाई गोली हानेर धीरेन्द्र फरार भएको डीएसपी श्रेष्ठले बताए ।

उनका अनुसार पारिवारिक विवादका कारण घटना भएको प्रारम्भिक अनुसन्धानबाट खुलेको छ । पत्नीलाई गोली प्रहार गरेको थाहा पाएपछि दौडिएर पुगेका बुवामाथि पनि धीरेन्द्रले गोली हानेको प्रहरीको भनाइ छ ।

प्रहरीका अनुसार धीरेन्द्र वैदेशिक रोजगारीबाट १ महिनाअघि मात्रै घर आएका हुन् । रातको समयमा केही व्यक्तिहरुलाई लिएर मोटरसाइकलमा आएका धीरेन्द्र गोली प्रहार गरिसकेपछि फरार भएका छन् ।

डीएसपी श्रेष्ठले घटनामा संलग्न धीरेन्द्र र उनीसँगै आएकाहरुको खोजी भइरहेको जानकारी दिए । ‘विभिन्न कोणबाट घटनाको अनुसन्धान सुरु गरेर फरार रहेकाको खोजी तीव्र पारिएको छ,’ उनले भने । कुन हतियार प्रयोग गरेर गोली हानियोभन्ने खुल्न बाँकी छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.