
विराटनगर । झापाको शिवसताक्षी नगरपालिका– ११ दूधेमा पिकअप गाडीको ठक्करबाट महिलाको मृत्यु भएको छ ।
पूर्व–पश्चिम राजमार्गको दूधे खण्डमा झिलझिलेबाट माईधारतर्फ गइरहेको प्र. १–०१–०१७ प ४१७२ नम्बरको स्कुटरलाई प्र. १–०१–००१ च ८३३२ नम्बरको पिकअपले ठक्कर दिएको थियो । ठक्करबाट स्कुटर चालक शिवसताक्षी नगरपालिका– ९ की ४० वर्षीया जानुका अधिकारीको मृत्यु भएको हो ।
दुर्घटनामा गम्भीर घाइते उनलाई तत्कालै उपचारका लागि बिएण्डसी अस्पताल, बिर्तामोडमा लगिएको थियो । उपचारका क्रममा साँझ उनको मृत्यु भएको हो ।
पिकअप चालक, इलाम नगरपालिका– १ निवासी ३१ वर्षीय सुरेश बस्नेतलाई इलाका प्रहरी कार्यालय झिलझिले नियन्त्रणमा लिएको छ ।

























