बाढीबाट प्रभावित भएकाहरुविराटनगर । पछिल्लो तीन दिनयता देशभर भारी वर्षा भइरहेको छ । वर्षाका कारण जनजीवन अस्तव्यस्त भएको छ । वर्षा नरोकिदा १०६ वटा वर्षा मापन केन्द्रमा वर्षाले सतर्कताको तह पार गरेको छ ।
माेरङकाे बाहुनीमा १४५, केराबारीमा १७२, हरैचामा १२९ मिलिलिटर वर्षा मापन भएकाे छ । सबैभन्दा बढी वर्षा पाल्पाको अर्चलेमा मापन भएकोछ । अर्चलेमा २४ घण्टाको अवधिमा ३६३ मिलिमिटर वर्षा मापन भएको छ ।
अर्चलेपछि धेरै मकवानपुरको दामनमा ३३० मिलिमिटर वर्षा भएको छ । झापाको चन्द्रगढीमा ३०६ मिलिमिटर वर्षा भएको छ ।
चौबीस घण्टाको अवधिमा ५० देखि १०० मिलिमिटरसम्म पानी परेमा भारी वर्षा भन्ने गरिन्छ । १०० देखि २०० मिलिमिटर वर्षा हुँदा त्यसलाई धेरै भारी वर्षा भनिन्छ भने २०० मिलिमिटरभन्दा बढी पानी पर्दा त्यसलाई अतिभारी वर्षा भनिन्छ ।
कोशी, बागमती, गण्डकी र लुम्बिनी प्रदेशका धेरैजसो स्थानमा भारीदेखि धेरै भारीदेखि अति भारी वर्षा भइरहेको छ । आज शनिबार पनि निरन्तर झरी पर्ने सम्भावना भएकाले जोखिम अझै बढ्ने मौसम पूर्वानुमान महाशाखाले जनाएको छ । अत्यधिक वर्षाका कारण विभिन्न स्थानमा बाढी पहिरो गएको छ । विभिन्न स्थानमा परिवार विस्थापित भएका छन् ।

























