
फिदिम : पाँचथरको फिदिममा घरमाथिबाट खसेको पहिरोले नाबालिका छोरी र आमाको मृत्यु भएको छ । पहिरोले घर पनि पुरिएको छ ।
फिदिम नगरपालिका–४ चिसापानीमा पहिरोले २४ वर्षीया सपना शेर्पा र उनकी ५ वर्षीया छोरी डोल्मा शेर्पाको मृत्यु भएको प्रहरीले जनाएको छ । प्रहरीका अनुसार फिदिम–१२ घर भएका आमा–छोरी चिसापानीमा डेरा बस्दै आएका थिए ।
तर, साथीको घरमा गएर सुतेका बेला बिहान ३ः३० बजेतिर आमा–छोरीलाई पहिरोले पुरेको प्रहरीले जनाएको छ । उनीहरुको घटनास्थलमै मृत्यु भएको प्रहरीले जनाएको छ । घरमा सुतिरहेका ३ जना भागेर ज्यान बचाउन सफल भएका छन् ।
पहिरोले पुरेको अवस्थामा शव बाहिर निकालिएको प्रहरीले जनाएको छ । पहिरोले आदिवासी जनजाति महासंघ पाँचथरको भवन पनि पुरिएको छ । घटनास्थलमा थप उद्धारका लागि सुरक्षाकर्मी परिचालन गरिएको जिल्ला प्रशासन कार्यालय पाँचथरले जनाएको छ ।

























