पहिरो अपडेट : पाँचथर र धनकुटामा ५ जनाको मृत्यु, ४ जना बेपत्ता

Share this
674shares
मुलुकी खबर
मुलुकी खबर
clock२०८१ असोज १२, शनिबार ०९:३०
फाइल फाेटाे

विराटनगर । शनिबार बिहान खसेकाे पहिराेमा परी धनकुटा र पाँचथरमा ५ जनाको मृत्यु भएको छ । ४ जना बेपत्ता भएका छन् । २ जना घाइते भएका छन् ।

धनुकटामा पहिरोले पुरिएर आमाछोरीको मृत्यु भएको हो । पाँचथरको फिदिम नगरपालिका -४ मा आमाछोरीकाे मृत्यु भएकाे छ । फिदिम -१ मा १ पुरुषको मृत्यु भएको छ, थप ४ जना बेपत्ता भएकाे कोशी प्रदेश प्रहरी प्रवक्ता प्रहरी वरिष्ठ उपरीक्षक भीम दाहालले बताए ।

पाँचथरको फिदिम नगरपालिका– १ साँगेबोटेमा पहिरो घर पुरिँदा फिदिम नगरपालिका– १ कात्तिके घर भइ फुरुङ्गा हाइड्रो पावरमा काम गर्ने ५० वर्षीय गोपी विश्वकर्माको मृत्यु भएको छ । फिदिम- १ बस्ने ५० वर्षीय कृष्ण दास, उनकाे श्रीमती ४० वर्षीया कमला दास, ५५ बर्षीय धनकुमार तुम्बापो, २१ वर्षीया सरस्वता तुम्बापो बेपत्ता भएका छन् । पहिरोमा परी दुई जना घाइते छन् । घाइतेकाे अवस्था सामान्य छ । बेपत्ताकाे खाेजी भइरहेकाे प्रवक्ता दाहालले बताए ।

प्रहरीका अनुसार मृतक र बेपत्ता फुरुङ्गा हाइड्रो पावरमा काम गर्ने कर्मचारी हुन् । उनीहरु स्थानीय राजकुमार नेम्बाङको घर भाडामा लिएर बस्दै आएका थिए । विहान करिब ५ बजे खसेको पहिरोले घरमा रहेको पशुचौपाय पनि पुरेको छ ।

पाँचथरको फिदिम नगरपालिका–४ चिसापानीमा पहिरोले घर पुरिदा २४ वर्षीया सपना शेर्पा र उनकी ५ वर्षीया छोरी डोल्मा शेर्पाको मृत्यु भएको छ । प्रहरीका अनुसार फिदिम–१२ घर भएका आमा–छोरी चिसापानीमा डेरा बस्दै आएका थिए ।

धनकुटाको पाख्रीबास नगरपालिका– ५ आज बिहानको करिब ३ बजे खसेको पहिरोले घर पुरिदा स्थानीय ५० वर्षीया रामकुमारी तामाङ र ३२ वर्षीया आशा तामाङको मृत्यु भएको हो । उनीहरु आमा-छोरी रहेको प्रहरीले बताएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.