कोशीको पुलमाथिबाट बग्न थाल्यो पानी

Share this
712shares
मुलुकी खबर
मुलुकी खबर
clock२०८१ असोज १२, शनिबार १७:१८

सुनसरी । कोशी ब्यारेजको पुलमाथिबाट पानी बग्न थालेको छ । सप्तकोशी नदीको बहाव उच्च भएर पुलबाटै पानी बग्न थालेको हो ।

सुनसरी प्रहरी प्रमुख एसपी विपिन रेग्मीका अनुसार ब्यारेजको पुलको १८ नम्बर ढोकामाथिबाट पानी बगेको छ । ब्यारेजका ५६ वटै ढोका खुला गरिएको उनले बताए ।

पुलबाटै पानी बग्न थालेपछि कोशी ब्यारेजमा सवारीसाधन तथा मानिस आवतजावतमा पूर्णरूपले प्रतिबन्ध लगाइएको जानकारी रेग्मीले दिए । उनका अनुसार दिउँसो ४ बजे कोशीको बहाव प्रतिसेकेण्ड ५ लाख ४९ हजार क्यूसेक मापन भएको छ ।

स्थानीय प्रशासनले अर्को सूचना जारी नभएसम्मका लागि कोशी ब्यारेजको पुलबाट सवारीसाधन र मानिस आवतजावतमा पूर्ण प्रतिबन्ध लगाएको हो । सप्तकोशीमा जलसतह ३७ वर्षयताकै उच्च तहमा पुगेको स्थानीय प्रशासनले जनाएको छ ।

यसअघि सन् १९८७ मा ५ लाख २३ हजार ७ सय ७१ क्यूसेक मापन गरिएको थियो । पहाडी जिल्लाहरुमा वर्षा नरोकिएका कारण बहाव अझै बढ्न सक्ने अनुमान छ ।

कोशी ब्यारेजको नियन्त्रण भारतीय पक्षले गर्छ । बहाव उच्च भएपछि भारतीय पक्षले ५६ वटै ढोका खोलेको छ । भारतीय पक्षले कोशीमा बाढीको बहाव प्रतिसेकेण्ड ६ लाख ८१ हजार ६ सय ३९ क्यूसेक पुग्नसक्ने पूर्वानुमान गरेको छ ।

कोशी आसपास र तटीय क्षेत्रका बासिन्दालाई सतर्कता अपनाउन स्थानीय प्रशासनले आग्रह गरेको छ । एसपी रेग्मीले ठाउँठाउँमा उद्धार टोली पनि परिचालन गरिएको जानकारी दिए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.