रवि लामिछानेको पक्षमा हस्ताक्षर गर्न पुगेका अर्थराज कोइराला विराटनगरबाट पक्राउ

Share this
675shares
मुलुकी खबर
मुलुकी खबर
clock२०८२ साउन २१, बुधबार ०८:३७

विराटनगर । बाल यौन दुरुपयोग मुद्दामा दोषी ठहर भएका १ जना व्यक्ति पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेको पक्षमा हस्ताक्षर गर्न गएका बेला विराटनगरबाट पक्राउ परेका छन् ।

सुनसरीको बराहक्षेत्र नगरपालिका–७ का ५९ वर्षीय अर्थराज कोइरालालाई विराटनगरको महेन्द्र चोकबाट पक्राउ गरिएको सुनसरी प्रहरीका प्रवक्ता डीएसपी योगराज खतिवडाले बताए । विराटनगर महानगरपालिका–३ स्थित पार्टी कार्यालयमा रास्वपाले मंगलबार आफ्ना सभापति लामिछानेको पक्षमा हस्ताक्षर संकलन अभियान चलाएको थियो ।

हस्ताक्षर अभियान सकेर टोली कोणसभाका लागि मोटरसाइकलमा महेन्द्र चोक पुग्यो । महेन्द्र चोकमा पनि कोणसभाअघि हस्ताक्षर संकलन गरिएको थियो । लामिछानेको पक्षमा हस्ताक्षर गर्न भनेर कोइराला त्यहाँ पुगेका थिए । अदालतबाट दोषी ठहर भएका फरार प्रतिवादी लामिछानेका पक्षमा हस्ताक्षर गर्न पुगेको जानकारी पाएलगत्तै प्रहरीले उनलाई पक्राउ गरेको हो ।

‘लामिछानेको पक्षमा रास्वपाले चलाएको हस्ताक्षर अभियानमा सहभागी हुन पुगेका बेला कोइरालालाई पक्राउ गरिएको हो,’ मोरङ प्रहरी स्रोतले भन्यो, ‘त्यसलगत्तै सुनसरी प्रहरीको जिम्मा लगाइएको छ ।’ कोइरालालाई जिल्ला अदालत सुनसरीले गत असार ३२ गते कसुरदार ठहर गरेको थियो ।

बालबालिका सम्बन्धी कसुरअन्तर्गतको बाल यौन दुरुपयोग मुद्दामा दोषी ठहर गर्दै सुनसरी अदालतले कोइरालालाई २ वर्ष कैद, २५ हजार रूपैयाँ जरिबाना हुने फैसला गरेको थियो । साथै, पीडितलाई क्षतिपूर्तिबापत कोइरालाबाट २ लाख रूपैयाँ भराउने फैसला पनि भएको थियो ।

कोइरालाले सजाय भुक्तान भने गरेका थिएनन् । यद्यपि, जिल्ला अदालतले उनलाई आफूविरुद्धको फैसलामा पुनरावेदन गर्ने बाटो भने खुला राखेको छ । इलाका प्रहरी कार्यालय महेन्द्रनगरको हिरासतमा राखिएका कोइरालालाई बुधबार अदालतमा बुझाउने तयारी रहेको जानकारी डीएसपी खतिवडाले दिए ।

अमेरिका बस्दै आएका कोइराला बाल यौन दुर्व्यवहारको आरोपमा गत वैशाखमा पक्राउ परेका थिए । मुद्दाकाे पुर्पक्षका लागि उनी धराेटीमा छुटेका थिए ।

११ वर्षीया बालिकालाई यौन दुर्व्यवहार गरेको घटनामा उनलाई अदालतले असार ३२ गते दोषी ठहर गरेको हो ।

केही समयअघि मात्रै नेपाल आएका कोइराला अमेरिकाको टेक्सासमा बस्दै आएका थिए । अमेरिकामा बसेर ड्यासफोरा राजनीतिमा समेत संलग्न थिए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.