फरक क्षमता भएकी महिलामाथि बलात्कार, रास्वपाका पालिका सभापति पक्राउ

Share this
715shares
मुलुकी खबर
मुलुकी खबर
clock२०८२ साउन २२, बिहीबार ०७:४४

विराटनगर । फरक क्षमता भएकी महिलामाथि बलात्कारको आरोपमा राष्ट्रिय स्वतन्त्र पार्टी (रास्वपा)का स्थानीय नेता पक्राउ परेका छन् ।

पक्राउ पर्नेमा लिखुपिके गाउँपालिका–२ पोखरीका ४५ वर्षीय रामचन्द्र बस्नेत रहेको जिल्ला प्रहरी कार्यालय सोलुखुम्वुले जनाएको छ । उनी  रास्वपा पालिका सभापति हुन् ।

बस्नेतमाथि २०८१ साउन ६ गते साँझ ५ बजे फरक क्षमता (अपांगता) भएकी महिलामाथि जबर्जस्ती करणी गरेको आरोप छ । घटनापछि उनी फरार भएका थिए ।

एक वर्षभन्दा बढी समयसम्म फरार रहेका बस्नेतलाई प्रहरीले २०८२ साउन १९ गते दिउँसो १२:४५ बजे काठमाडौं महानगरपालिका–१६, वनस्थलीबाट पक्राउ गरेको जिल्ला प्रहरी कार्यालय सोलुखुम्वुका प्रवक्ता एवम् प्रहरी निरीक्षक विकास राईको जानकारी दिए ।

उनका अनुसार पक्राउपछि उनलाई अनुसन्धानका लागि सोलुखुम्बु जिल्ला अदालतमा पेश गरिएको छ । अदालतले प्रारम्भिक अनुसन्धानका लागि सात दिनको म्याद दिएको प्रवक्ता राईले जानकारी दिए । घटनाबारे थप अनुसन्धान भइरहेको सूचना अधिकारी तथा प्रहरी निरीक्षक राईले जानकारी दिए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.