उर्लाबारीबाट लागुऔषध मुद्दाका थुनुवा फरार

Share this
676shares
मुलुकी खबर
मुलुकी खबर
clock२०८२ साउन २४, शनिबार १४:३७

विराटनगर । मोरङको उर्लाबारीबाट शनिबार बिहान लागुऔषध मुद्दाका थुनुवा फरार भएका छन् । अनुसन्धानका लागि इलाका प्रहरी कार्यालय उर्लाबारीको हिरासतमा राखिएका थुनुवा फरार भएका हुन् ।

उपचारका लागि मदन भण्डारी अस्पताल एवं ट्रमा सेन्टरमा भर्ना गरिएका बेला झापाको दमक नगरपालिका–३ का २७ वर्षीय नगिन लिम्बू फरार भएको मोरङ प्रहरी प्रवक्ता डीएसपी कोपिला चुँडालले जानकारी दिइन् । उनका अनुसार अचानक पेट दुखेर बिरामी परेपछि लिम्बूलाई शुक्रबार राति ११ः३० बजेतिर अस्पताल भर्ना गरिएको थियो ।

उपचारकै क्रममा शनिबार बिहानका राति ३ः१५ बजेतिर लिम्बू फरार भएको चुँडालले बताइन् । उनका अनुसार अस्पतालको झ्यालबाट हामफालेर फरार भएका लिम्बूको खोजी तीव्र पारिएको छ ।

इलाका प्रहरी कार्यालय उर्लाबारीका इन्स्पेक्टर रन्जन बराल नेतृत्वको टोलीले व्यापक खोजी गरिरहेको भए पनि यो समाचार तयार पार्दासम्म लिम्बू फेला परेका छैनन् । उनी साउन २१ गते बुधबार पक्राउ परेका थिए ।

लागुऔषध ऐनअन्तर्गतको मुद्दा चलाउन प्रहरीले अदालतबाट ७ दिनको म्याद थप गरेर हिरासतमा राखी अनुसन्धान गरिरहेको थियो । अनुसन्धानको प्रारम्भिक चरणमै उपचाररत अस्पतालबाट लिम्बू फरार भएका हुन् ।

घटना अनुसार मोरङको मिक्लाजुङ गाउँपालिका–९ का २५ वर्षीय हरिभक्त दर्जी र मिक्लाजुङ–८ का २० वर्षीय निश्चल पोर्तेल साउन १६ गते लागुऔषध ब्राउन सुगर (खैरो हेरोइन)सहित पक्राउ परेका थिए । अनुसन्धानका क्रममा उनीहरुले उक्त ब्राउन सुगर नगिन लिम्बूबाट खरिद गरेर ल्याएको बताए ।

उनीहरुलाई लिम्बूले लागुऔषध बेचेको पत्ता लागेपछि प्रहरीले उनलाई पनि गत बुधबार पक्राउ गरेको थियो । अस्पतालबाट भागेका उनको खोजीका लागि सबैतिर प्रहरी परिचालन गरिएको र यस विषयमा थप अनुसन्धान पनि भइरहेको डीएसपी चुँडालले बताइन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.