ज्यान मार्ने उद्योग मुद्दामा चक्रे मिलनसँग १ लाख १० हजार धरौटी माग

Share this
667shares
मुलुकी खबर
मुलुकी खबर
clock२०८२ साउन ३०, शुक्रबार १५:२१

काठमाडौं । ‘गुन्डा नाइके’को रूपमा लामो समयदेखि चर्चामा रहेका मिलन गुरुङ उर्फ ‘चक्रे मिलन’ ज्यान मार्ने उद्योग मुद्दामा धरौटीबापतको रकम बुझाए छुटेका छन् ।

भक्तपुर जिल्ला अदालतका न्यायाधीश रामप्रसाद न्यौपानेको इजलासले धरौटीबापत १ लाख १० हजार रुपैयाँ लिएर उनलाई छाड्न शुक्रबार आदेश दिएको हो । अदालतको आदेशअनुसार तोकिएको धरौटी बुझाएर उनी छुटेका छन् ।

यो मुद्दा करिब १ वर्षअघिको घटनासँग सम्बन्धित छ । २०८१ भदौ १० गते भक्तपुरको सानोठिमीस्थित दिव्यश्जरीमा रहेको बड्डाको तावा रेस्टुरेन्टमा भएको आक्रमणमा चक्रे संलग्न भएको आरोप थियो ।

दिनेशकुमार रायमाझीले आफ्नो भतिज मनिष रायमाझीमाथि आक्रमण भएको भन्दै चक्रे लगायतविरुद्ध प्रहरीमा जाहेरी दिएका थिए । जाहेरीमा चक्रे, सर्लाहीको हरिवन नगरपालिका–४ का २५ वर्षीय अजित खवाससहितका केही व्यक्तिहरूको नामसमेत उल्लेख गरिएको थियो ।

मनिष रायमाझीको दुवै कोखमा खुकुरी प्रहार गरिएको थियो । जाहेरी दर्तापछि अजित खवास पक्राउ परे । ‘वतन नखुलेको’ भन्दै चक्रेलाई भने तत्काल प्रतिवादी बनाइएन । अहिले भने सोही घटनामा चक्रेविरुद्ध औपचारिक रूपमा मुद्दा दर्ता भएको हो ।

चक्रे मिलन यसअघि धरौटीमा रिहा भएलगत्तै पक्राउ परेका थिए । अभद्र व्यवहारको मुद्दामा काठमाडौं जिल्ला अदालतका न्यायाधीश खिमानन्द भुसालको इजलासले ३० हजार रुपैयाँ धरौटी लिएर उनलाई छाड्न बुधबार आदेश दिएको थियो । धरौटी बुझाएर छुटेलगत्तै अर्को मुद्दाका लागि पक्राउ गरेर चक्रेलाई भक्तपुर लगिएको थियो ।

गत १५ साउनमा उपत्यका अपराध अनुसन्धान कार्यालय र काठमाडौं जिल्ला प्रहरी परिसरको संयुक्त अपरेशनमा चक्रे मिलनसहित ४७ जनालाई मध्यराति पक्राउ गरिएको थियो । महाराजगञ्जस्थित होटल साम्बालामा चक्रेको जन्मदिनको पार्टी चलिरहेको समयमा प्रहरीले ‘मध्यराति होहल्ला’ गरेको आरोपमा उनीहरूलाई नियन्त्रणमा लिएको हो । तीमध्ये २८ जनालाई भने सोही रात छाडिएको थियो ।

चक्रे मिलनको नाम लामो समयदेखि काठमाडौं उपत्यकामा हुने विभिन्न आपराधिक गतिविधिहरूसँग जोडिँदै आएको छ । पटक–पटक पक्राउ परे पनि प्रायः उनी धरौटीमा छुट्दै आएका छन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.