विराटनगरमा रथयात्रा : ठाउँ–ठाउँमा निःशुल्क सर्बत र पानी वितरण (फोटो फिचर)

Share this
702shares
मुलुकी खबर
मुलुकी खबर
clock२०८२ भदौ १, आइतबार १६:४९

विराटनगर । विराटनगरको ऐतिहासिक राधाकृष्ण रथयात्राको अवसरमा ठाउँ–ठाउँमा निःशुल्क सर्बत र पानी वितरण गर्ने काम भइरहेको छ ।

चर्को घामसँगैको गर्मीले तिर्खाएका भक्तजनलाई लक्षित गरेर विराटनगरको चोक–चोकमा सर्बत र पानी वितरणको व्यवस्था मिलाइएको हो । रथयात्रामा सहभागी हुन र रथको अवलोकन गर्न जाने भक्तजनले सर्बत र पानीको निःशुल्क पिउन पाउने छन् ।

विभिन्न संघ संस्था तथा व्यक्तिहरुले सर्बत र पानी वितरण गरिरहेका हुन् । श्रद्धालुलाई स्वयंसेवकहरूले सर्बत र पानी वितरण गरिरहेका छन् । कतिपय ठाउँमा युवाहरुले आफैं खर्चको जोहो गरेर त्यो व्यवस्था मिलाएका छन् ।

सर्बत र पानी वितरणमा खटिएका राजु झाँगडले साथीहरुसँग मिलेर निःशुल्क सर्बत र पानी वितरण गरिएको बताए । ‘संस्थागत नभए पनि व्यक्तिगत रूपमा पैसा उठाएर रथयात्रामा सर्बत वितरण गर्न पाउँदा खुसी लागेको छ,’ उनले भने ।

त्यस्तै, विराटनगर महानगरपालिका–१५ को रानी आँखा अस्पतालले पनि निःशुल्क सर्बत र पानी वितरणको व्यवस्था मिलाएको छ । विराटनगरको महेन्द्र चोकमा उक्त व्यवस्था मिलाइएको अस्पतालकी प्रशासन प्रमुख प्रतीक्षा बास्तोलाले बताइन् ।

विराटनगरको तीनपैनी, मेन रोड, ट्राफिक चोक, रोडशेष चोक, बसपार्क, महेन्द्र चोक, महावीर चोक, शनिमन्दिर चोक, भृकुटी चोक, बिजुली अफिस, मुनालपथ, बरगाछी, दुर्गा चोकलगायत विराटनगरका चोक–चोकमा निःशुल्क सर्बत र पानी वितरण भइरहेको छ । यसले गर्मीका समयमा रथ तान्नेहरुलाई राहत पुग्ने छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.