रथयात्राका क्रममा विराटनगरबाट ५७ जना प्रहरीको नियन्त्रणमा

Share this
694shares
मुलुकी खबर
मुलुकी खबर
clock२०८२ भदौ २, सोमबार ०८:४९
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

विराटनगर । ऐतिहासिक राधाकृष्ण रथयात्राका क्रममा विराटनगरबाट आइतबार प्रहरीले ५७ जनालाई नियन्त्रणमा लिएको छ ।

भिडभाडको मौका छोपेर शंकास्पद र अवाञ्छित गतिविधि गर्नेहरुलाई नियन्त्रणमा लिएर अनुसन्धानको दायरामा ल्याइएको मोरङ प्रहरी प्रमुख एसपी नारायणप्रसाद चिमरियाले जानकारी दिए । उनका अनुसार चोरी तथा पकेटमारीमा संलग्नको आशंकामा पनि केही व्यक्तिलाई नियन्त्रणमा लिइएको छ ।

प्रहरीले नियन्त्रणमा लिएकामध्ये ५३ जना पुरुष र ४ जना महिला छन् । तर, प्रहरीले महिलालाई भने आइतबार राति नै छाडिसकेको छ । पुरुषहरु हालसम्म प्रहरी नियन्त्रणमै छन् ।

नियन्त्रणमा लिइएकामध्ये कतिपयको साथबाट मोबाइल बरामद भएको जानकारी एसपी चिमरियाले दिए । ‘नियन्त्रणमा लिइएकामाथि ‘स्क्रिनिङ’ गर्ने काम भइरहेको छ । विगतमा उनीहरु कुनै अपराधिक गतिविधिमा संलग्न थिए कि थिएनन् भनेर पनि पत्ता लगाइन्छ । सबै कुरा बुझिसकेपछि उनीहरुलाई छाड्ने कि थप कारबाही अघि बढाउने भन्ने निर्णयमा पुगिन्छ,’ उनले भने ।

रथयात्राका क्रममा सुनका ५ वटा सिक्री र ९ वटा मोबाइल चोरी भएको जानकारी प्रहरीले प्राप्त गरेको छ । चोरी भएका उजुरी प्रहरीमा पर्ने क्रम जारी छ । एसपी चिमरियाले हजारौं भक्तजन सहभागी रथयात्रा भव्य र शान्तिपूर्ण रूपमा सम्पन्न भएको बताए ।

‘उच्छृङ्खल, शंकास्पद र अवाञ्छित गतिविधि गर्नेहरुलाई नियन्त्रणमा लिइएको छ । अरु त्यस्तो कुनै समस्या भएन । रथयात्रा शान्तिपूर्ण रूपमा सम्पन्न भयो । रथयात्रालाई लक्षित गरेर शान्ति सुरक्षाको अवस्था मजबुत बनाइएको थियो,’ उनले भने ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.