कारमा ल्याइएको लागुऔषध उर्लाबारीबाट बरामद, ३ जना पक्राउ

Share this
683shares
मुलुकी खबर
मुलुकी खबर
clock२०८२ भदौ २, सोमबार ०९:३२

विराटनगर । मोरङको उर्लाबारीबाट ठूलो मात्रामा लागुऔषधसहित ३ जनालाई प्रहरीले पक्राउ गरेको छ । कारमा राखेर लागुऔषध ल्याउनेहरु पक्राउ परेका हुन् ।

मोरङ प्रहरी प्रवक्ता डीएसपी कोपिला चुँडालका अनुसार झापाको दमक नगरपालिका–४ का ४३ वर्षीय केदार ओझा, मोरङको उर्लाबारी नगरपालिका–४ की २२ वर्षीया एन्जिला दाहाल र उर्लाबारी–७ का ३२ वर्षीय सुजन सेन्दाङलाई पक्राउ गरिएको छ । गोप्य सूचनाका आधारमा इलाका प्रहरी कार्यालय उर्लाबारीबाट खटिएको इन्स्पेक्टर रन्जन बराल नेतृत्वको टोलीले उनीहरुलाई आइतबार राति ११ बजेतिर उर्लाबारी–९ आमबारीबाट पक्राउ गरेको हो ।

प्रहरीले दुर्गापुरी–उर्लाबारी सडक खण्डमा आमबारीबाट उर्लाबारीतर्फ आउँदै गरेको बा ३ च ७९८१ नम्बरको कारलाई नियन्त्रणमा लिएको थियो । नियन्त्रणमा लिएर खानतलासी गर्दा कारबाट लागुऔषध बरामद भएको डीएसपी चुँडालले बताइन् ।

उनका अनुसार कारको सीटबाट ग्यालिनमा भरेर राखिएको लागुऔषध कोरेक्सजस्तो देखिने वस्तु ५ लिटर र नाइट्राभेट १० पत्ता (१ सय ५० ट्याब्लेट) बरामद भएको छ । ‘कारको सीटभित्र लुकाएर ल्याउँदै गरेको लागुऔषधजस्तो देखिने वस्तु ठूलो मात्रामा बरामद भएको छ,’ उनले भनिन् ।

कार र लागुऔषध नियन्त्रणमा लिएको प्रहरीले कारमा सवार २ जनालाई पक्राउ गरेको हो । पक्राउ परेकामध्ये ओझा कार चालक हुन् । सोही क्रममा कारसँगै आएको बा ७८ प ४०९८ नम्बरको मोटरसाइकल पनि प्रहरीले नियन्त्रणमा लिएको छ । पक्राउ परेका सेन्दाङ मोटरसाइकल चालक हुन् ।

प्रहरी स्रोतका अनुसार पक्राउ परेकाहरु लागुऔषध कारोबारी भएको आशंका छ । इलाका प्रहरी कार्यालय उर्लाबारीको हिरासतमा राखिएका उनीहरुमाथि इन्स्पेक्टर बराल नेतृत्वकै टोलीले अनुसन्धान गरिरहेको छ । पक्राउ परेकाविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.