‘सौतेनी आमाको सम्पतिमा छोराको समान अंश लाग्छ ’(पूर्णपाठ)

Share this
745shares
मुलुकी खबर
मुलुकी खबर
clock२०८२ भदौ १०, मंगलबार १९:२३

काठमाडौं । सर्वोच्च अदालतले सौतेनी आमाको सम्पतिमा छोराको अंश हक लाग्ने फैसला गरेको छ । न्यायाधीशहरू डाक्टर नहकुल सुवेदी, टेकप्रसाद ढुङ्गाना र बालकृष्ण ढकालको पूर्ण इजलासले माइतीबाट प्राप्त गरेको निजी सम्पत्तिमा पनि सौतेनी छोराको अंश हक लाग्ने फैसला गरको हो ।

यो फैसला अंशबन्डासम्बन्धी कानुनी व्यवस्थामा नयाँ नजिर हो ।

कानुनले आमा र सौतेनी आमा तथा छोरा र सौतेनी छोरालाई फरक व्यवहार नगरेको सर्वोच्चको व्याख्या छ । सर्वाेच्चले भनेकाे छ,‘सौतेनी आमाले जुनसुकै श्रोतबाट पाएको सम्पतिमा आफ्नो उदर तर्फको छोरा सरह विमातृक छोराको पनि समान अंश हक रहने’छ ।

बाबुआमाले जुनसुकै स्रोतबाट प्राप्त गरेको सम्पत्ति छोराछोरीका लागि पैतृक सरह हुने स्थापित हुनेछ

शशी पराजुली उप्रेतीले आफ्नी आमाबाट बकसपत्रमार्फत पाएको सम्पत्तिमा सौतेनी छोरा राहुल पराजुलीलाई अंश दिन नपर्ने जिकिर गरेकी थिइन् । मुलुकी ऐनको स्त्री अंशधन महल र अंशबन्डाको महल १८ बमोजिम आफ्नो निजी आर्जन भएकोले आफूले चाहेअनुसार गर्न पाउनुपर्ने उनको तर्क थियो ।

सर्वाेच्चको फैसलामा भनिएको छ, ‘कानुनले अंशबन्डाको प्रयोजनको लागि आमा वा छोराछोरीलाई र सौतेनी आमा वा सौतेनी छोराछोरीलाई समान अर्थमा लिएको भनी बुझ्नुपर्ने देखिन आयो ।’

अदालतले विधायिकाले सौतेनी आमाको सम्पत्ति आफ्नै हाँगातर्फ मात्र जाने परिकल्पना नगरेको स्पष्ट पारेको छ ।

सर्वोच्चले भनेको छ,‘एकभन्दा बढ्ता स्वास्नी वा एकभन्दा बढ्ता स्वास्नी पट्टीका छोराछोरी हुनेले मन परेका स्वास्नी छोराछोरीलाई मात्र बकस गर्न नहुने भन्ने कानूनी व्यवस्था गरी एकभन्दा बढी हाँगातर्फका छोराछोरी भएको अवस्थामा समेत एकै हाँगाका छोराछोरी सरह समान रुपले अंशबण्डा गर्नुपर्ने व्यवस्था गरेको देखिँदा कानूनले अंशबण्डाको प्रयोजनको लागि आमा वा छोराछोरीलाई र सौतेनी आमा वा सौतेनी छोराछोरीलाई समान अर्थमा लिएको भनी बुझ्नुपर्ने देखिन आयो ।’

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.