विराटनगरमा बन्दकोपीको गाडीबाट २६२ किलो गाँजा बरामद, ३ जना पक्राउ

Share this
624shares
मुलुकी खबर
मुलुकी खबर
clock२०८२ भदौ २९, आइतबार १०:५८

विराटनगर । विराटनगरमा बन्दाकोपी लोड गरिएको बोलेरो गाडीबाट ठूलो परिमाणमा गाँजा बरामद भएको छ । गाँजाको ओसारपसार र कारोबारमा संलग्न रहेको आरोपमा ३ जना पक्राउ परेका छन् ।

विराटनगर महानगरपालिका–१५ पेट्रोल पम्पनजिकबाट शनिबार राति ११ः३० बजेतिर २ सय ६२ किलो ५ सय ८० ग्राम गाँजा बरामद गरिएको मोरङ प्रहरी प्रमुख एसपी नारायणप्रसाद चिमरियाले बताए । उनका अनुसार इलाका प्रहरी कार्यालय रानीबाट खटिएको इन्स्पेक्टर कविन राई नेतृत्वको टोलीले गाँजा बरामद गर्नुका साथै ३ जनालाई पक्राउ गरेको हो ।

इन्स्पेक्टर राई नेतृत्वको टोलीले उत्तरबाट दक्षिणतर्फ तीव्र गतिमा गइरहेको मे १ च ५८२६ नम्बरको बोलेरो गाडीलाई रोक्न खोजेको थियो । तर, उक्त गाडी भगाइयो । खोजी गर्ने क्रममा नजिकै सडक किनारमा रोकेर राखेको अवस्थामा गाडी फेला परेको एसपी चिमरियाको भनाइ छ ।

उनका अनुसार बन्दकोपी लोड गरिएको गाडीमा लुकाइछिपाइ राखेको गाँजा बरामद गरिएको हो । ‘झट्ट हेर्दा गाडीमा बन्दाकोपी लोड गरेजस्तो देखिन्छ । तर, माथिबाट बन्दाकोपी लोड गरेर तल गाँजा राखिएको रहेछ,’ उनले भने ।

प्रहरीले गाँजासहितको गाडी नियन्त्रणमा लिएर तत्काल २ जनालाई पक्राउ गरेको थियो । सुनसरीको इटहरी उपमहानगरपालिका–५ की २० वर्षीया सञ्जु तामाङ र २२ वर्षीय निखिल घिमिरे पक्राउ परेका हुन् ।

सोधपुछ गर्दा गाडी चालक फरार भएको उनीहरुले बताए । पक्राउ परेकाहरुले गाँजा विराटनगर–१८ का श्यामकुमार यादवको रहेको प्रहरीलाई बताए । त्यसलगत्तै खटिएको प्रहरीले आईसीपी रोडनजिक पर्खिएर बसिरहेका यादवलाई पनि पक्राउ गरेको छ ।

पक्राउ परेका ३ जनालाई नै आवश्यक अनुसन्धानका लागि इलाका प्रहरी कार्यालय रानीमा राखिएको छ । फरार चालकको खोजी भइरहेको प्रहरीले जनाएको छ । बरामद गरिएको गाँजा र पक्राउ परेकाको बारेमा प्रहरीले थप अनुसन्धान गरिरहेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.