धरानमा धारिलो हतियार प्रहारबाट युवक गम्भीर घाइते

Share this
728shares
मुलुकी खबर
मुलुकी खबर
clock२०८२ असोज ६, सोमबार ११:४५
सांकेतिक तस्बिर ।

सुनसरी । सुनसरीको धरान उपमहानगरपालिका–१७ मा आइतबार राति एउटा समूहले धारिलो हतियार प्रहार गर्दा एक जना युवक गम्भीर घाइते भएका छन् ।

सुनसरी प्रहरी प्रवक्ता डीएसपी योगराज खतिवडाका अनुसार घरमा सुतिरहेका बेला धरान–१७ का २० वर्षीय निशान राईमाथि राति ८ः१० बजेतिर खुकुरी प्रहार भएको प्रारम्भिक अनुसन्धानबाट पत्ता लागेको छ । निशानमाथि २१ वर्षीय ओबिन राई, सुजन तामाङ, बोबो लिम्बू र हडबडे भनिने अर्का १ जना युवकको समूहले खुकुरी प्रहार गरेको उनले बताए ।

खतिवडाका अनुसार मोटरसाइकलमा आएर खुकुरी प्रहार गरेपछि उनीहरु फरार भएका थिए । आक्रमणपछि मोटरसाइकलमै चढेर फरार भएका उनीहरुको खोजीका लागि प्रहरी परिचालन गरिएको थियो ।

खोजी गर्ने क्रममा घटनामा संलग्न ओबिन राई खुकुरीसहित पक्राउ परेका छन् । उनलाई राति १०ः४५ बजेतिर पक्राउ गरिएको प्रहरीले जनाएको छ । प्रहरीका अनुसार उनको पनि टाउको र बायाँ हातको औंलामा सामान्य चोट छ ।

त्यस्तै, प्रहरीले धरान–११ का २२ वर्षीय देवान राईलाई समेत अनुसन्धानका लागि नियन्त्रणमा लिएको छ । पक्राउ परेकाहरुलाई इलाका प्रहरी कार्यालय धरानको हिरासतमा राखेर प्रहरीले थप अनुसन्धान अघि बढाएको छ ।

खुकुरी प्रहारबाट घाइते भएका निशानको बीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ । उनको पेट, ढाड, बायाँ कुम, कुहिनो, नाडी र दायाँ हातको कुहिनामा चोट लागेको छ । निशानको अवस्था गम्भीर रहेको प्रहरीले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.