
काठमाडौं । पर्साको छिपहरामाईबाट लागुऔषध चरेससहित सशस्त्र प्रहरीले १ जना भारतीय नागरिकलाई पक्राउ गरेको छ ।
सशस्त्र प्रहरी बल १३ नम्बर गण पर्साको टोलीले छिपहरमाई गाउँपालिका–४ बन्जारी टोलबाट भारत बेतियाका ३१ वर्षीय गुलाम महमदलाई ९ किलो ५२२ ग्राम चरेससहित पक्राउ गरेको प्रहरीले जनाएको छ।
गोप्य सूचनाका आधारमा भिष्वा–जानकी टोला सडक खण्ड हुँदै भारततर्फ जाँदै गरेको अवस्थामा चेकजाँच गर्दा गुलाम सवार बीआर २२ जे ३५५० नम्बरको मोटरसाइकलमा फल्स बटम बनाइ लुकाइएका १९ वटा प्लास्टिक प्याकेटमा चरेस भेटिएको प्रहरीले जनाएको छ।
पक्राउ परेका गुलामलाई बरामद चरेससहित आवश्यक कारबाहीका लागि सशस्त्र प्रहरीले नेपाल प्रहरीलाई बुझाएको प्रहरीले जनाएको छ ।

























