
विराटनगर । सुनसरीको कोशी गाउँपालिकाबाट प्रहरीले ठुलो परिमाणमा लागुऔषध गाँजासहित १ जनालाई पक्राउ गरेको छ ।
कोशी गाउँपालिका–७ का ४५ वर्षीय दिनेश यादवलाई लागुऔषध गाँजासहित पक्राउ गरेको कोशी प्रदेश प्रहरी कार्यालयले जनाएको छ ।
विशेष सूचनाका आधारमा इलाका प्रहरी कार्यालय भन्टाबारीको टोलीले असोज १९ गते राति धान बारीमा लुकाइ राखेको अवस्थामा गाँजा बरामद गरेको हो ।
टोलीले धान बारीभित्र प्लास्टिकको १३ वटा बोरामा लुकाई छिपाइ राखेको अवस्थामा ५ सय ३७ किलो १ सय ४० ग्राम गाँजा बरामद गरेको गरेको प्रहरीले जनाएको छ ।
गाँजा बरामद भएसँगै ओसारपसारमा संलग्न रहेको आरोपमा यादव समेतलाई नियन्त्रणमा लिएर थप अनुसन्धान अघि बढाएको प्रहरीले जनाएको छ ।

























