दमकमा पुरुषको हत्या, पहिचान खुल्न सकेन

Share this
706shares
मुलुकी खबर
मुलुकी खबर
clock२०८२ असोज २५, शनिबार १५:३९

झापा । झापाको दमकमा हत्या गरिएको अवस्थामा पुरुषको शव फेला परेको छ । दमक नगरपालिका–७ स्थित पशुहाटस्थित टहरामा गाईवस्तुले पानी खाने नालीभित्र शव भेटिएको हो ।

हत्या गरेर नालीमा फालेको अवस्थामा शुक्रबार शव फेला परेका अन्दाजी ५० वर्षीय पुरुषको पहिचान खुल्न नसकेको प्रहरीले जनाएको छ । अनुहार तथा दाहिनेतर्फको गालामा धारिलो हतियारले प्रहार गरेको चोट रहेको अवस्थामा शव फेला परेकाले पुरुषको हत्या भएको निष्कर्षमा प्रहरी पुगेको छ ।

‘अहिलेसम्म मृतकको सनाखत भएको छैन । घटनाको थप अनुसन्धान भइरहेको छ,’ प्रहरीका १ अधिकारीले भने । प्रहरीले कानुनी प्रक्रिया पूरा गरेर घटनास्थलबाट शवलाई पोस्टमार्टमका लागि मोरङ उर्लाबारीको मंगलबारेस्थित मदन भण्डारी अस्पताल एवं ट्रमा सेन्टर पठाएको छ ।

लागुऔषध सेवनकर्ताबीचको विवादका कारण हत्या भएको हुनसक्ने प्रहरीको प्रारम्भिक अनुमान छ । यद्यपि, पुष्टि भइसकेको छैन । हत्यामा संलग्न भएको आशंकामा ३ जनालाई नियन्त्रणमा लिएर घटनाको विस्तृत अनुसन्धान अघि बढाइएको प्रहरीले जनाएको छ ।

सबै जनालाई प्रहरीले शुक्रबार राति नियन्त्रणमा लिएको हो । नियन्त्रणमा लिइएकाहरुको विवरण गोप्य राखिएको छ । घटना अनुसन्धानकै क्रममा रहेको एवं हत्यामा उनीहरुको संलग्नता छ कि छैन भनेर यकिन हुन नसकेकाले नाम र ठेगाना खुलाउन नमिल्ने प्रहरीले जनाएको छ ।

प्रहरीले मृतकको पहिचानको प्रयास गर्दै घटनाको कारण खुलाउन विभिन्न कोणबाट अनुसन्धान सुरु गरिएको उल्लेख गरेको छ । इलाका प्रहरी कार्यालय दमकका डीएसपी रामप्रसाद तिमल्सिना नेतृत्वको टोलीले घटनाको अनुसन्धान गरिरहेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.