
विराटनगर । प्रहरीले विराटनगर बसपार्क क्षेत्रबाट दुई युवकलाई नक्कली भारतीय नोटसहित नियन्त्रणमा लिएको छ ।
शुक्रबार बेलुका भारतको बिहार अररियाका २३ वर्षीय मो. अरवाज र मो राजलाई पक्राउ गरेको हो ।
भारतीय बजार जोगवनीबाट सिटी सफारीमा विराटनगर बसपार्क आएका उनले सिटी चालकलाई भारतीय २०० रुपैयाँको नक्कली नोट दिएका थिए । शंका लागेर प्रहरीलाई भनेपछि प्रहरीले उनीहरुलाई चेकजाँच गरेको थियो ।
चेकजाँच गर्दा अरवाजको साथबाट भारतीय २०० का १८ थान र ५०० को १ थान नक्कली नोट फेला परेको प्रहरीले जनाएको छ । घटनाको अनुसन्धान भइरको जिल्ला प्रहरी कार्यालय मोरङले जनाएको छ ।

























