विमानस्थलबाट ७ किलो बढी गाँजा बरामद, ३ जना भारतीय पक्राउ

Share this
653shares
मुलुकी खबर
मुलुकी खबर
clock२०८२ कात्तिक ८, शनिबार १८:१३
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

काठमाडौं । त्रिभुवन अन्तर्राष्ट्रिय विमानस्थलबाट गाँजाजस्तो देखिने पदार्थसहित ३ जना भारतीय नागरिक पक्राउ परेका छन् ।

प्रहरीले उनीहरूलाई ७ किलो २ सय ९५ ग्राम गाँजासहित नियन्त्रणमा लिएर शनिबार सार्वजनिक गरेको हो । पक्राउ पर्नेमा भारत उत्तर प्रदेशका २५ वर्षीय हरगोबिन्द सिंह, महाराष्ट्रका १९ वर्षीय समीर र बिहारका २७ वर्षीय फिरोज अहमद सम्पद रहेका छन् ।

केन्द्रिय प्रहरी प्रवक्ता डीआईजी विनोद घिमिरेका अनुसार विमानस्थलको भन्सार क्षेत्रबाट शुक्रबार दिउँसो उनीहरूलाई पक्राउ गरिएको हो । एयर एसियाको उडानमार्फत थाइल्याण्डको बैंककबाट काठमाडौँ आएका हरगोबिन्द र समीरको झोलाबाट ३ किलो ५ सय ४० ग्राम गाँजाजस्तो देखिने पदार्थ बरामद गरिएको उनले बताए ।

त्यस्तै, इन्डिगो एयरको उडानद्वारा भारतको मुम्बईबाट काठमाडौं आएका फिरोज सम्पदको सामानबाट ३ किलो ६ सय ५५ ग्राम बरामद भएको प्रहरीले जनाएको छ । प्रहरीका अनुसार विमानस्थल सुरक्षा जाँचका क्रममा शंकास्पद देखिएपछि उनीहरूको झोला खोलेर जाँच गर्दा गाँजा फेला परेको हो ।

पक्राउ परेका सबैलाई आवश्यक अनुसन्धान र कारबाहीका लागि लागुऔषध नियन्त्रण ब्यूरोमा पठाइएको छ । डीआईजी घिमिरेले पक्राउ परेकाले कसरी र कसको सहयोगमा गाँजा नेपाल भित्राएका हुन् भन्ने बारेमा थप अनुसन्धान भइरहेको छ ।

प्रहरीका अनुसार पछिल्ला महिनाहरूमा अन्तर्राष्ट्रिय विमानस्थल हुँदै विदेशी नागरिकहरूले लागुऔषध नेपाल भित्र्याउने र तेस्रो मुलुकमा लैजाने प्रयास बढ्दै गएको छ । यसअघि पनि थाइल्याण्ड, भारत, मलेसिया र दुबईबाट आएका केही यात्रु विभिन्न प्रकारका लागुऔषधसहित पक्राउ परेका थिए ।

त्रिभुवन विमानस्थलमा खटिएका सुरक्षा अधिकारीहरूका अनुसार पछिल्लो समय यात्रुहरूको झोलामा कपडाभित्र लुकाएर, खाद्यान्न प्याकेजभित्र राखेर वा गिफ्टको रुपमा देखाएर लागुऔषध ल्याउने प्रयास भइरहेका छन् । प्रहरीले यस्तो गतिविधि रोक्न प्रविधिको प्रयोग गर्दै निगरानी बढाइएको जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.