
काठमाडौँ । गत भदौ २४ गते काठमाडौँमा भएको जेनजी प्रदर्शनका क्रममा प्रहरीमाथि आक्रमण, हतियार लुटपाट र अभद्र व्यवहार गरेको आरोपमा पक्राउ परेका गौतम घिसिङसहित ११ जना विरुद्ध काठमाडौँ जिल्ला अदालतमा मुद्दा दर्ता भएको छ ।
प्रहरी प्रतिवेदन अनुसार प्रदर्शनका क्रममा दोलखाका ४८ वर्षीय मुख्य अभियुक्त गौतम घिसिङको नेतृत्वमा रहेका आन्दोलनकारीहरूले प्रहरीलाई नियन्त्रणमा लिएर गालीगलौज र धम्की दिएका थिए । अभियुक्त घिसिङले बयानमा आफूहरूले भिएस निकेतन कलेजको पाँचौँ तलामा पुगेका प्रहरीलाई तल ओरालेर पोसाक खोल्न लगाएको र बागमती खोलामा हाम फाल्न लगाई ढुङ्गा मुढाले कुटपिट गरेको स्वीकारेका छन् ।
जिल्ला सरकारी वकिल कार्यालयले प्रहरी प्रतिवेदनका आधारमा घिसिङसहित ११ जनालाई ‘ज्यान मार्ने उद्योग’ र ‘आपराधिक उपद्रव गर्न नहुने कसुर’ मा मुद्दा दर्ता गरेको हो। हतियार लुटपाट गरी तस्बिर प्रदर्शन गर्ने र आक्रमणमा संलग्न भएका अन्य अभियुक्तहरू- हतियार लुटपाट गर्ने: सिन्धुली मरिण गाउँपालिकाका कुमार रोक्का छन् ।
अन्य संलग्नहरूमा रौतहट राजपुरका अंशुकुमार गुप्ता, धनुषा हंसपुरका अजयकुमार साह, सप्तरीका देवराज राय, काठमाडौँका उत्कर्ष श्रेष्ठ, रौतहटका लकिबाबु जयसवाल र सौरभ यादव, सिन्धुपाल्चोकका धिरज थापा, धनकुटाका नवीन राई, र पाल्पाका विवेक बस्नेत छन् ।

























