झुम्काबाट भागेका ठूलो संख्याका कैदीबन्दी अझै कारागार बाहिरै, अपराधको जोखिम

Share this
751shares
मुलुकी खबर
मुलुकी खबर
clock२०८२ मंसिर १, सोमबार १४:०२
झुम्का कारागारमा एक जना बन्दीको मृत्यु

विराटनगर । जेनजी आन्दोलनको मौका छोपेर भदौ २४ गते सुनसरीको झुम्का कारागारबाट भागेका ठूलो संख्याका कैदीबन्दी अझै पनि कारगार बाहिरै रहेका छन् । फरार भएका कैदीबन्दी पक्राउ नपर्दा अन्य अपराधको जोखिम बढेको छ ।

कारागारबाट भागेकामध्ये ५ सय ५७ जना कैदीबन्दी अझै कारागार बाहिरै छन् । उनीहरु अहिलेसम्म कारागार प्रशासन र सुरक्षा संयन्त्रको सम्पर्कमा छैनन् । फरारमध्ये धेरैजसो गम्भीर तथा संगठित अपराधमा संलग्न रहेका कारण कोशी प्रदेशको समग्र शान्ति सुरक्षामा खलल पुग्ने देखिन्छ ।

झुम्का कारागारका जेलर सुवासकुमार लामिछानेका अनुसार फरारमध्ये सबैभन्दा धेरै १ सय ९८ जना लागुऔषध मुद्दाका कैदी छन् । जबरजस्ती करणीका १ सय ६१ जना, कर्तव्य ज्यानका ७३, चोरीका ३०, डकैतीका १३, अपहरण तथा मानव बेचबिखनका २३, ज्यान मार्ने उद्योगका १२, हातहतियार तथा खरखजाना सम्बन्धी मुद्दाका २ छन् ।

त्योबाहेक ठगी, अभद्र व्यवहार, सामान्य झगडा तथा अन्य विभिन्न मुद्दाका ४४ जना कैदी फरार सूचीमा छन् । भदौ २४ गते कारागारबाट १ हजार ७ सय ९६ कैदीबन्दी फरार भएका थिए ।

तीमध्ये १ हजार १ सय ९७ जना फर्किसकेका छन् । सुरक्षाको भय, सार्वजनिक दबाब र आफूविरुद्ध थप कारबाहीको जोखिम बढेपछि ८ सय ६७ जनाले कारागारमै आएर आत्मसमर्पण गरेका थिए भने ३ सय ३० जनालाई प्रहरीले पक्राउ गरेको हो ।

अहिले झुम्का कारागारमा १ हजार २ सय ८८ जना कैदीबन्दी छन् । फरार भएका ५ सय ५७ जनामध्ये धेरैजसो अत्यन्तै जोखिमपूर्ण, दीर्घ सजाय काटिरहेका र अपराध नेटवर्कसँग जोडिएका व्यक्तिहरू भएकाले उनीहरूको खोजी जटिल बन्दै गएको प्रहरी स्रोत बताउँछ ।

फरार कैदीबन्दीका कारण आगामी चुनावी सुरक्षामा पनि चुनौती बढ्ने विश्लेषण सुरक्षाविद्हरुले गरेका छन् । फरार रहेकाले अवैध नेटवर्कसँग हातेमालो गर्दै आर्थिक स्वार्थ, राजनीतिक दबाब, धम्की तथा मतदाताको स्वतन्त्रतामाथि प्रत्यक्ष प्रभाव पार्न सक्ने उनीहरुको भनाइ छ ।

भागेका कैदीबन्दीका कारण अवैध पैसाको चलखेल, अस्थिरता र सामाजिक तनाव फैलने सम्भावना बढेसँगै सुरक्षा सतर्कता बढाइएको छ । सुनसरीका प्रहरी प्रमुख एसपी केशव थेवेले फरार कैदी समात्न ठूलो संख्यामा प्रहरी परिचालन गरिएको बताए ।

सीमा क्षेत्र, राजमार्ग, होटल तथा लज, बसपार्कदेखि ग्रामीण बस्तीमा समेत कडा चेकजाँच थालिएको उनको भनाइ छ । स्थानीयलाई पनि कुनै शंकास्पद गतिविधि देखिएमा तत्काल जानकारी दिन प्रहरीले आग्रह गरेको छ । प्रहरीका विशेष टोलीहरू रातदिन गस्ती, सूचनाको विश्लेषण र फरार रहेकाको पहिचानमा जुटिरहेका छन् ।

सुरक्षाविद्हरु फरार कैदीबन्दीको सक्रियता बढेमा अपराधमा वृद्धि, सामाजिक तनाव, आर्थिक असुरक्षादेखि लिएर समुदायको दैनिक जीवनमै त्रास फैलिन सक्ने बताउँछन् । फरार कैदीहरू चाँडै नियन्त्रणमा नआए प्रदेशभर अपराध र तनाव बढ्ने उनीहरुको विश्लेषण छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.