
काठमाडौं । नेपाल प्रहरीका वरिष्ठ उपरीक्षक (एसएसपी) विश्व अधिकारीलाई प्रहरी नायव महानिरीक्षक (डीआईजी) बढुवा गर्नका लागि सिफारिस गरिएको छ ।
यसअघिको बढुवाको पहिलो नम्बरमा रहे पनि छुटाइएका अधिकारीलाई बढुवा सिफारिस समितिले डीआईजीमा बढुवा गर्न सोमबार सिफारिस गरेको हो । अधिकारीलाई छुटाएर ५ जना एसएसपीलाई डीआईजीमा बढुवा गरिएको थियो ।
अधिकारी २३ र २४ भदौमा जेनजी आन्दोलन हुँदा काठमाडौं प्रहरी प्रमुख थिए । आन्दोलनपछि उनलाई जिम्मेवारीबाट हटाएर एसएसपी रमेश थापालाई काठमाडौं प्रहरी प्रमुखको जिम्मेवारी दिइएको थियो ।


























