
विराटनगर । कोशी प्रदेश सुरक्षा समन्वय समितिको बैठक बुधबार बसेको छ । विराटनगरस्थित मुख्यमन्त्री तथा मन्त्रिपरिषद्को कार्यालयमा बैठक बसेको हो ।
मुख्यमन्त्री हिक्मतकुमार कार्कीको उपस्थितिमा बसेको बैठकमा प्रदेशको शान्ति सुरक्षा र पछिल्लो वस्तुस्थितिका छलफल भएको छ । आन्तरिक मामिला तथा कानुनमन्त्री रेवतीरमण भण्डारीको अध्यक्षतामा बैठक बसेको हो ।
आन्तरिक मामला तथा कानुन मन्त्रालयका अनुसार बैठकमा समग्र प्रदेशको शान्ति सुरक्षाको बारेमा छलफल भएको छ । हालै नेपाल प्रहरीको अतिरिक्त महानिरीक्षक (एआईजी)मा बढुवा भएका कोशी प्रदेशका प्रहरी प्रमुख नायव महानिरीक्षक (डीआईजी) ईश्वर कार्कीलाई बैठकपछि मुख्यमन्त्री कार्कीले बिदाइसमेत गरेका थिए ।


























