
काठमाडौं । सर्वाेच्च अदालतले जबर्जस्ती करणी मुद्दामा मधेस प्रदेशका पूर्वप्रदेश प्रमुख राजेश अहिराजलाई पुर्पक्षका लागि थुनामा राख्ने जिल्ला अदालतको आदेश सदर गरेकाे छ ।
अहिराजललाई पुर्पक्षका लागि थुनामा पठाउने जिल्ला अदालत काठमाडौंको आदेश उच्च अदालत पाटनको सदर गरेपछि उनी सर्वोच्चमा पुगेका थिए ।
मुलुकी फौजदारी कार्यविधि संहिता २०७४ को दफा ७३ अनुसार अहिराजले दिएको निवेदनमा न्यायाधीश कुमार रेग्मी र नित्यानन्द पाण्डेय इजलासले तल्लो अदालतको आदेशलाई नै सदर गरेको सर्वोच्चका प्रवक्ता अर्जुनप्रसाद कोइरालाले जानकारी दिए।
जिल्ला अदालत काठमाडौँका न्यायाधीश पिताम्बर शर्माको इजलासले साउन १४ गते पुर्पक्षका लागि थुनामा पठाउने आदेश दिएकाे थियो ।

























