जेनजी आन्दोलनको मौकामा झुम्काबाट भागेका कैदी पक्राउ

Share this
615shares
मुलुकी खबर
मुलुकी खबर
clock२०८२ मंसिर ६, शनिबार १५:१९
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

विराटनगर । जेनजी आन्दोलनको मौका छोपेर सुनसरीको झुम्का कारागारबाट भागेका १ जना कैदी पक्राउ परेका छन् ।

मोरङको सुन्दरहरैँचा नगरपालिका–४ का ३० वर्षीय वविनारायण चौधरी पक्राउ परेका हुन् । मोरङ प्रहरी प्रमुख एसपी कवित कटवालका अनुसार चौधरीलाई घरनजिकैबाट शनिबार बिहान ८ः५० बजेतिर पक्राउ गरिएको हो ।

कर्तव्य ज्यान मुद्दामा कैद सजाय भुक्तान गरिरहेका चौधरी जेनजी आन्दोलनको मौका छोपेर गत भदौ २४ गते झुम्का कारागारबाट फरार भएका हुन् । उनलाई अदालतले २५ वर्ष कैद सजायको फैसला गरेको थियो ।

अदालतले जन्मकैदको सजाय सुनाएपछि उनी झुम्का कारागारमा कैद भुक्तान गरिरहेका थिए । विशेष सूचनाका आधारमा अस्थायी प्रहरी पोस्ट बलियाबाट खटिएको असई (प्रहरी सहायक निरीक्षक) रमेश खतिवडा नेतृत्वको टोलीले उनलाई पक्राउ गरेको हो ।

पक्राउ परेका चौधरीमाथि प्रहरीले थप अनुसन्धान अघि बढाएको छ । एसपी कटवालले जेनजी आन्दोलनको मौका छोपेर र अन्य समयमा फरार रहेका प्रतिवादीलाई पक्राउ गर्नका लागि विशेष अभियान सञ्चालन गरिएको जानकारी दिए ।

त्यस्तै, लागुऔषध मुद्दामा फरार रहेका १ जना मोरङको मिक्लाजुङ गाउँपालिका–३ बाट पक्राउ परेका छन् । जिल्ला अदालत मोरङबाट प्रहरीले पक्राउ अनुमति लिएर लागुऔषध सम्बन्धी चालु मुद्दाका प्रतिवादी मिक्लाजुङ–३ का २१ वर्षीय करण खिनाल दर्जीलाई पक्राउ गरेको हो ।

एसपी कटवालका अनुसार दर्जीलाई शुक्रबार साँझ पक्राउ गरिएको हो । उनलाई इलाका प्रहरी कार्यालय उर्लाबारीको हिरासतमा राखेर अनुसन्धानको थप प्रक्रिया अघि बढाइएको जानकारी कटवालले दिए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.