एनपीएलमै जालसाजीको खेल : सट्टेबाजीमा संलग्न ८ जना भारतीय पक्राउ

Share this
725shares
मुलुकी खबर
मुलुकी खबर
clock२०८२ मंसिर ७, आइतबार १८:०२
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

काठमाडौं । नेपाल प्रिमियर लिग (एनपीएल)को चमकदमक चलिरहेका बेला त्यसैका आडमा अनलाइन सट्टेबाजीको धन्दा चलाइएको पाइएको छ ।

काठमाडौं उपत्यका अपराध अनुसन्धान कार्यालयले अनलाइन बेटिङमार्फत खेलको हार–जितमा अवैध रूपमा रकम लगाएर सट्टेबाजी सञ्चालन गर्दै आएका ८ जना भारतीय नागरिकलाई बल्खु क्षेत्रबाट नियन्त्रणमा लिएको छ । प्रहरीका अनुसार उनीहरूले विभिन्न अनलाइन बेटिङ साइट प्रयोग गरी खेलको नतिजामा प्रत्यक्ष प्रभाव पार्ने उद्देश्यसहित निरन्तर कारोबार गर्दै आएका थिए ।

साइटमार्फत रकम चलाइएपछि उनीहरू बसेको ठेगाना पहिचान गरी प्रहरीले नियन्त्रणमा लिएको हो । पक्राउ पर्नेहरूमा भारतको आन्ध्रप्रदेशस्थित प्रकासम जिल्लाका ३१ वर्षीय राजा यदुला, ३५ वर्षीय महेश बाबु, ३० वर्षीय पण्डित श्रीनिवासुलु, २० वर्षीय सेख सोयब, ३० वर्षीय नभिन मड्डेला, ३२ वर्षीय महमद रफी सेख, १९ वर्षीय साई कुमार तम्मिसेट्टी र २८ वर्षीय सेख चन्द बसल रहेका छन् ।

उनीहरूको साथबाट १५ थान मोबाइल फोन बरामद गरेर प्रहरीले विस्तृत प्रविधियुक्त अनुसन्धान सुरु गरेको छ । बरामद मोबाइलमा उच्च हिसाबको अनलाइन ट्रान्जक्सन, बेटिङ ग्रुप र खेलको प्रत्यक्ष नतिजासँग जोडिएका धेरै सन्देश फेला परेको प्रारम्भिक जानकारी आएको छ ।

अपराध अनुसन्धान कार्यालयले एनपीएल सञ्चालन भइरहेका बेला विदेशी नागरिकसम्म सक्रिय रूपमा भित्रिएको सट्टेबाजी सञ्जालले नेपालको खेलकुद क्षेत्रमा अवैध गतिविधिको जोखिम बढ्दै गएको संकेत दिएको जनाएको छ । प्रहरीले पक्राउ परेकालाई कानुनी प्रक्रिया अघि बढाइने बताएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.