
विराटनगर । लेनदेन मुद्दामा दोषी ठहर भई फरार रहेकी एक महिलालाई मोरङ प्रहरीले पक्राउ गरेको छ । पक्राउ पर्नेमा मोरङको ग्रामथान गाउँपालिका–६ रामजानकी टोल बस्ने ५० वर्षीया जुगनी देवी माझी रहेकी छिन् ।
जिल्ला अदालत मोरङको २०८१ चैत २५ गतेको फैसलाले माझीलाई लेनदेन मुद्दामा ६ महिना कैद सजाय तोकेको थियो । बिगो रकम दाखिला नगरी फरार सूचीमा रहेकी उनलाई इलाका प्रहरी कार्यालय हरैचाबाट खटिएको प्रहरी टोलीले बिहीबार पक्राउ गरेको हो ।
पक्राउ परेकी माझीलाई हाल आवश्यक कानुनी प्रक्रियाका लागि इलाका प्रहरी कार्यालय बेलबारीमा राखिएको प्रहरीले जनाएको छ ।

























