कोशी अस्पतालबाट भागेका थुनुवा अढाई महिनापछि पक्राउ, बाल बिज्याइँकर्ता पनि भेटिए

Share this
750shares
मुलुकी खबर
मुलुकी खबर
clock२०८२ मंसिर २६, शुक्रबार ०९:४३
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

विराटनगर । विराटनगरस्थित कोशी अस्पतालको शौचालयबाट भागेका १ जना थुनुवालाई प्रहरीले अढाई महिनापछि पक्राउ गरेको छ ।

मोरङको कटहरी गाउँपालिका–१ घर भएका २० वर्षीय मोहमद राजुलाई शुक्रबार बिहानका राति पक्राउ गरिएको मोरङ प्रहरीका निमित्त प्रमुख एवं डीएसपी कोपिला चुँडालले बताइन् । राजु चोरी मुद्दाका अभियुक्त हुन् ।

जिल्ला अदालत मोरङले थुनामा राखेर मुद्दाको पुर्पक्ष गर्न आदेश दिएपछि उनलाई गत भदौ १७ गते जिल्ला कारागार मोरङ चलान गरिएको थियो । कारागारमा बन्दी जीवन बिताइरहेका राजुलाई अचानक पेट दुख्ने समस्या देखिएपछि उपचारका लागि असोज १२ गते साँझ कोशी अस्पताल भर्ना गरिएको थियो ।

उपचाररत अवस्थामै शौचालय लैजाने क्रममा उनी सुरक्षाका लागि खटिएका प्रहरीलाई छलेर शौचालयको भेन्टिलेसनबाट हामफालेर सोही दिन राति ८ः२० बजेतिर फरार भएका थिए । लामो समयदेखि खोजी जारी राखिएका राजुलाई जिल्ला प्रहरी कार्यालय मोरङबाट खटिएको सई सुवास अधिकारी नेतृत्वको टोलीले शुक्रबार बिहानका राति ४ः२५ बजेतिर पक्राउ गरेको हो ।

उनी आफ्नै घरमा लुकिछिपी बसिरहेको अवस्थामा फेला परेका थिए । राजुलाई पक्राउ गरेर जिल्ला प्रहरी कार्यालयमा राखी थप अनुसन्धान अघि बढाइएको डीएसपी चुँडालले बताइन् ।

त्यस्तै, विराटनगर महानगरपालिका–३ स्थित बाल सुधारगृहबाट भागेकामध्ये १ जना बाल बिज्याइँकर्ता पनि फेला परेका छन् । मोरङको उर्लाबारी नगरपालिका–६ का १९ वर्षीय बाल बिज्याइँकर्तालाई प्रहरीले शुक्रबार बिहानका राति पक्राउ गरेको हो ।

कर्तव्य ज्यान मुद्दामा अदालतको आदेशबाट पुर्पक्षका लागि थुनामा पठाइएका ती बाल बिज्याइँकर्ता गत कात्तिक २० गते दिउँसो ४ः२० बजेतिर सुधारगृहबाट फरार भएका थिए । जिल्ला प्रहरी कार्यालय मोरङबाट खटिएको हवल्दार दर्शन श्रेष्ठ नेतृत्वको टोलीले उनलाई विराटनगर महानगरपालिका–४ कञ्चनबारी नजिकबाट बिहानका राति १ः१५ बजेतिर पक्राउ गरेको डीएसपी चुँडालले बताइन् ।

उनका अनुसार फरार रहेका बाल बिज्याइँकर्तालाई पक्राउ गरेर थप अनुसन्धान अघि बढाएको छ । अहिले पक्राउ परेकासहित ७ जना बाल बिझ्याइँकर्ता बाल सुधारगृहबाट कात्तिक २० गते फरार भएका थिए ।

बाल सुधारगृहको सुरक्षामा खटिएका प्रहरीलाई धक्कामुक्की गरेर भागेकामध्ये २ जना यसअघि नै पक्राउ परिसकेका छन् । हालसम्म पक्राउ पर्नेको संख्या ३ पुगेको छ । अब ४ जना भागिरहेको र उनीहरुको खोजी जारी राखिएको जानकारी डीएसपी चुँडालले दिइन् ।

त्यतिबेला बाल बिज्याइँकर्ताको धक्कामुक्कीका कारण ३ जना प्रहरीसमेत सामान्य घाइते भएका थिए । फरार हुनेहरु १८ वर्षमाथिका छन् । सुधारगृहमा विभिन्न उमेर समूहका र क्षमताभन्दा बढी बिझ्याइँकर्ता एकै ठाउँमा राखिएकाले समय–समयमा समस्या आउने गरेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.