
विराटनगर । सुनसरीको धरानबाट प्रहरीले ३ सय ३० किलाे गाँजा बरामद गरेको छ । शुक्रबार राति प्रहरीले धरान उपमहानगरपालिका –२० कालीखोला किनारबाट ३ सय ३० किलाे गाँजा बरामद गरेकाे हाे ।
कोशी प्रदेश प्रहरी कार्यालय विराटनगर र इलाका प्रहरी कार्यालय धरानबाट संयुक्त रुपमा खटिएको प्रहरी टोलीले राति ९:१० बजेको समयमा उक्त गाँजा बरामद गरेको थियाे ।
धनकुटाबाट धरानतर्फ पैदल आउँदै गरेका मानिसहरू प्रहरीको गस्ती टोलीलाई देख्नासाथ आफूले बोकेका बोराहरू बाटोमै छाडी भागेका थिए । शंकास्पद अवस्थामा छाडिएका बोरामा ३३० किलोग्राम गाँजा फेला परेको प्रहरीले जनाएको छ । घटनाबारे थप अनुसन्धान भइरहेको इलाका प्रहरी कार्यालय धरानले जनाएको छ ।

























