झापामा प्रहरीबाट लुटिएका हतियार र गोली रतुवा खोला किनारमा भेटिए

Share this
680shares
मुलुकी खबर
मुलुकी खबर
clock२०८२ पुस ४, शुक्रबार १८:४७

विराटनगर । झापाको दमक नगरपालिका–१ स्थित बुद्ध टोलनजिक रतुवा खोला किनारको काँसघारीमा लुकाएर राखिएका हतियार र गोली फेला परेका छन् ।

स्थानीयवासीले खोला किनारको झाडीभित्र खिया लागेको अवस्थामा बेवारिसे हतियार र गोली देखेपछि प्रहरीलाई खबर गरेका थिए । स्थानीयले शुक्रबार साँझ जानकारी दिनसाथ इलाका प्रहरी कार्यालय दमकबाट खटिएको डीएसपी किशोर लम्साल नेतृत्वको टोलीले हतियार गोली बरामद गरेको छ ।

प्रहरी टोलीले घटनास्थल पुगेर हेर्दा लामो समयदेखि खुला स्थानमा राखिएको जस्तो देखिने गरी खिया लागेको अवस्थामा विभिन्न प्रकारका हातहतियार तथा गोलीगठ्ठा फेला परेको झापा प्रहरी प्रवक्ता डीएसपी खगेन्द्रबहादुर खड्काले बताए । उनका अनुसार बरामद गरिएका हातहतियार तथा गोलीगठ्ठा जेनजी आन्दोलनको आवरणमा अराजक समूहले गत भदौ २४ गते इलाका प्रहरी कार्यालय दमकबाट लुटेर लगेको प्रारम्भिक अनुसन्धानबाट खुलेको छ ।

इलाका प्रहरी कार्यालयमा सुरक्षित राखिएको अभिलेखसँग तुलना गर्दा फेला परेका हतियार र गोलीगठ्ठा जेनजी आन्दोलनमा लुटिएको पाइएको हो । प्रहरीले ३ थान इन्सास राइफल (२ वटा म्यागजिनसहित) र विभिन्न प्रकारका १ सय ५९ राउण्ड गोली बरामद भएको जनाएको छ । साथै, गोली राख्ने बिन्दुली ३ थान बरामद भएको डीएसपी खड्काले बताए ।

सबै हातहतियार तथा गोलीगठ्ठा खिया लागेको अवस्थामा भेटिएकाले ती सामग्री लामो समयदेखि खोला किनारको झाडीमा लुकाएर राखिएको हुन सक्ने प्रहरीको अनुमान छ । घटनास्थल वरपर थप हतियार लुकाइएको हुन सक्ने आशंकामा प्रहरी टोलीले आवश्यक खोजतलास गरिरहेको छ ।

बरामद गरिएका हातहतियार तथा गोलीगठ्ठा इलाका प्रहरी कार्यालय दमकमा लगेर राखिएको छ । बेवारिसे अवस्थामा रहेका यस्ता हातहतियार आपराधिक प्रयोजनमा प्रयोग हुन सक्ने गम्भीर जोखिम रहेकाले समयमै सूचना दिएकोमा स्थानीयको भूमिका अत्यन्तै महत्वपूर्ण रहेको प्रहरीको भनाइ छ ।

प्रहरीले जेनजी क्रममा भएका आगजनी एवं लुटपाटका घटनामा संलग्न व्यक्तिहरूको पहिचान तथा कानुनी कारबाहीका लागि थप अनुसन्धान अघि बढाइएको जनाएको छ । आन्दोलनको आवरणमा इलाका प्रहरी कार्यालय दमकमा आगजनी एवं आक्रमण गरिएको थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.