
विराटनगर । कर्तव्य ज्यान मुद्दामा २० वर्ष कैद सजाय तोकिएका एक फरार प्रतिवादीलाई जिल्ला प्रहरी कार्यालय मोरङले पक्राउ गरेको छ । मिक्लाजुङ गाउँपालिका-५ बस्ने ४६ वर्षीय डिग बहादुर राईलाई प्रहरीले पक्राउ गरेको हो।
जिल्ला अदालत मोरङको २०७३ चैत २७ गतेको फैसलाले राईलाई कर्तव्य ज्यान मुद्दामा २० वर्ष कैद सजाय सुनाएको थियो। अदालतले दोषी ठहर गरेपछि उनी विगत ९ वर्षदेखि फरार रहँदै आएका थिए।
प्रहरीका अनुसार उनलाई पुस १६ गते जिल्ला प्रहरी कार्यालय मोरङबाट खटिएको प्रहरी टोलीले लुकिछिपी बसेको अवस्थामा आफ्नै घर वतनबाटै नियन्त्रणमा लिएको हो। पक्राउ परेका राईलाई आवश्यक कारवाहीका लागि जिल्ला अदालत मोरङमा बुझाइएको छ ।

























