विराटनगरबाट स्रोत नखुलेको ४ लाख रूपैयाँसहित मोटरसाइकल चालक पक्राउ

Share this
786shares
मुलुकी खबर
मुलुकी खबर
clock२०८२ पुस २१, सोमबार १६:५२
फाइल फोटो ।

विराटनगर । विराटनगरबाट स्रोत नखुलेको करिब ४ लाख रूपैयाँसहित १ जनालाई प्रहरीले सोमबार दिउँसो पक्राउ गरेको छ ।

भारतको जोगवनीबाट विराटनगरतर्फ आउँदै गरेको प्रदेश १–०२–०४२ प २८८४ नम्बरको मोटरसाइकलसहित चालकलाई जिल्ला प्रहरी कार्यालय मोरङबाट खटिएको टोलीले नियन्त्रणमा लिएको हो । पक्राउ पर्नेमा विराटनगर महानगरपालिका–१० का ३६ वर्षीय उमेश साह रहेका छन् ।

साहलाई विराटनगर महानगरपालिका–१३ स्थित दिव्य ज्योति आँखा अस्पताल अगाडिबाट दिउँसो १ः४५ बजेतिर पक्राउ गरिएको मोरङ प्रहरी प्रवक्ता डीएसपी कोपिला चुँडालले बताइन् । उनका अनुसार साहले लगाएको हेल्मेट र शरीरको विभिन्न भागमा लुकाइछिपाइ राखिएको अवस्थामा स्रोत नखुलेको ३ लाख ९९ हजार ९ सय ५० रूपैयाँ फेला परेको थियो ।

साहको साथबाट १ हजार दरका ३०, ५ सय दरका ५ सय ३६, १ सय दरका १ हजार १९ र ५० को एउटा नोट बरामद भएको प्रहरीले जनाएको छ । प्रहरीका अनुसार शंकास्पद रूपमा नेपाल प्रवेश गरेका उनलाई नियन्त्रणमा लिएर खानतलासी गर्दा उक्त रकम बरामद भएको हो ।

साहले स्रोत खुलाउन नसकेपछि रकमसहित उनलाई नियन्त्रणमा लिएर अनुसन्धानको दायरामा ल्याइएको डीएसपी चुँडालको भनाइ छ । उक्त रकम अवैध हुण्डी कारोबारको भएको हुनसक्ने प्रहरीको प्रारम्भिक अनुमान छ ।

बरामद भएको रकम र नियन्त्रणमा लिइएको मोटरसाइकलसहित साहलाई इलाका प्रहरी कार्यालय रानीमा राखेर इन्स्पेक्टर कविन राई नेतृत्वको टोलीले थप अनुसन्धान गरिरहेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.