८० वर्षीय वृद्धाको हत्या

Share this
674shares
मुलुकी खबर
मुलुकी खबर
clock२०८२ असार १७, मंगलबार १६:०७

धनगढी । धारिलो हतियार प्रहार गरेर ८० वर्षीय वृद्धाको हत्या गरिएको छ । हत्या गरेको अवस्थामा २ तले घरको कोठामा शव फेला परेको हो ।

कैलालीको जानकी गाउँपालिका–९ अमरावतीमा ८० वर्षीया मातादेवी शाहीको हत्या भएको कैलाली प्रहरीका प्रवक्ता डीएसपी राजकुमार सिंहले जानकारी दिए । मंगलबार बिहान ८ः१५ बजेतिर शव फेला परेको उनले बताए ।

प्रहरीका अनुसार घरमा वृद्धा एक्लै बस्दै आएको प्रारम्भिक अनुसन्धानबाट खुलेको छ । सुत्ने कोठाको खटियामा शव फेला परेपछि गम्भीर ढंगले अनुसन्धान सुरु गरिएको डीएसपी सिंहले बताए ।

वृद्धाको छातीमा धारिलो हतियार प्रहार गरिएको तथा घाँटीमा समेत चोट देखिएको प्रहरीले जनाएको छ । प्रहरीले तालिमप्राप्त कुकुरको प्रयोग गरेर घटनाको अनुसन्धान गरिरहेको छ ।

हत्यामा संलग्नको पहिचान हुन सकेको छैन । यद्यपि, प्रहरीले खोजी तीव्र पारेको छ । शवलाई पोस्टमार्टमका लागि टीकापुर अस्पतालमा राखिएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.