२०८२ असार २१, शनिबार १४:०० 
विराटनगर । सुनसरीको बराहक्षेत्र नगरपालिका–३ नडाहा चोकबाट प्रहरीले १ सय ६२ किलो गाँजा लोड गरिएको भारतीय कार नियन्त्रणमा लिएको छ ।
अस्थायी प्रहरी चौकी र सशस्त्र प्रहरी बेस क्याम्प चतराबाट खटिएको संयुक्त टोलीले धरानबाट नडाहातर्फ आउँदै गरेको एमएच ०२ बीपी ९७४२ नम्बरको सुजुकी कम्पनीको कारलाई शनिबार बिहानका राति २ः१० बजेतिर नियन्त्रणमा लिएको थियो । कार रोकेर खानतलासी गर्दा डिकीमा लुकाएर राखेको अवस्थामा ५ वटा प्लाष्टिकका पोका र ३ वटा जेब्रा झोलामा १ सय ६२ किलो गाँजा बरामद भएको सुनसरी प्रहरीका प्रवक्ता डीएसपी योगराज खतिवडाले बताए ।
उनका अनुसार प्रहरीलाई देख्नसाथ कार सडकमै छाडेर चालकसहित २ जना फरार भएका थिए । फरार भएकाको खोजी तीव्र पारिएको प्रहरीले जनाएको छ ।
गाँजासहित कारलाई इलाका प्रहरी कार्यालय महेन्द्रनगरमा लगेर राखिएको छ । इन्स्पेक्टर दिवश कुँवर नेतृत्वको टोलीले यस विषयमा थप अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
