२०८३ श्रावण २८, बिहीबार १४:०७
झापा। झापामा पछिल्लो चार महिनामा जापानिज इन्सेफ्लाइटिस (जेई) सङ्क्रमणका कारण पाँच जनाको मृत्यु भएको छ। जिल्लामा हालसम्म नौ जनामा जेई सङ्क्रमण पुष्टि भएकोमा तीन पुरुष र दुई महिला गरी पाँच जनाको मृत्यु भएको हो।
स्वास्थ्य कार्यालय झापाका अनुसार मेचीनगरका तीन, बिर्तामोडका दुई तथा हल्दिबारी, बाह्रदशी, कचनकवल र अर्जुनधाराका एक-एक जनामा सङ्क्रमण देखिएको छ। जनस्वास्थ्य निरीक्षक विश्वनाथ श्रेष्ठका अनुसार सङ्क्रमितमध्ये अधिकांश ५० वर्षभन्दा माथिका छन्।
क्युलेक्स जातको सङ्क्रमित लामखुट्टेको टोकाइबाट सर्ने यो भाइरसजन्य रोगले सिधै मस्तिष्कमा असर पुर्याउँछ। सुँगुर र हाँस जेई भाइरसका मुख्य स्रोत मानिने भएकाले सुँगुर पालक तथा धानखेत र पानी जम्ने क्षेत्र आसपास बस्नेहरू उच्च जोखिममा रहने गर्छन्।
स्वास्थ्य कार्यालय झापाका खोप अधिकृत राजकुमार पोखरेलले लामखुट्टेको टोकाइबाट जोगिन र सरकारले सञ्चालन गर्ने नियमित खोप कार्यक्रममा सहभागी भई जेईविरुद्धको खोप लगाउन आग्रह गरेका छन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी