सुनसरीमा गोली हानी किशोरीको हत्या

Share this
710shares
मुलुकी खबर
मुलुकी खबर
clock२०८२ असार ३०, सोमबार ०७:१२

विराटनगर । सुनसरीमा गोली प्रहार गरी किशाेरीको हत्या गरिएकाे छ । हरिनगर गाउँपालिका– ६ घुस्कीमा सोमबार बिहानको राति करिब १ गोली हानी १८ वर्षीय किशोरीको हत्या भएको हो ।

सुनसरी प्रहरी प्रमुख एसपी सुमनकुमार तिम्सिनाका अनुसार अन्दाजी १८ वर्षीय अर्सी खातुनको गाेली हानी हत्या भएको हो ।

उनका अनुसार अनुसार किशोरीलाई उनकै भिनाजुले गोली प्रहार गरेका हुन् । भारतको पुर्णिया जिल्ला पत्राहा पञ्चायत– १६ घुर्नाका २९ वर्षीय आजात मिया जटले गोली प्रहार गरी हत्या गरेको देखिएको उनले बताए । घटनापछि मिया फरार छन् । फरार मियाको खोजी भइरहेको उनले बताए ।

उनका अनुसार बिहान करिब १ बजे घरमा किशोरीकाे टाउकाेमा १ गाेली प्रहार भएकाे थियाे । घटनास्थलमा एउटा खोका पनि फेला परेको छ ।

प्रारम्भिक अनुसन्धानका क्रममा कटुवा पेस्तोल प्रहार गरेको जस्तो देखिएको उनले बताए ।

घटनास्थल भारतीय सीमा क्षेत्र नजिकै पर्छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.