सुनसरीबाट दिनेश र रञ्जित पक्राउ, ३६ ग्राम ब्राउन सुगर बरामद

Share this
752shares
मुलुकी खबर
मुलुकी खबर
clock२०८२ साउन ३, शनिबार ०९:३३

विराटनगर । सुनसरीबाट प्रहरीले लागुऔषध ब्राउन सुगर (खैरो हेरोइन)सहित २ जनालाई पक्राउ गरेको छ ।

सुनसरीको कोशी गाउँपालिका–२ का ३२ वर्षीय दिनेशकुमार यादव र सप्तरीको तिलाडी–कोइलारी गाउँपालिका–८ का २४ वर्षीय रञ्जितकुमार यादव पक्राउ परेका हुन् । उनीहरुलाई शुक्रबार साँझ कोशी गाउँपालिका–१ लौकहीबाट पक्राउ गरिएको सुनसरी प्रहरीका प्रवक्ता डीएसपी योगराज खतिवडाले बताए ।

उनका अनुसार लागुऔषध नियन्त्रण ब्युरो विराटनगर र इलाका प्रहरी कार्यालय लौकहीबाट खटिएको टोलीले शंका लागेर दुवै जनालाई नियन्त्रणमा लिएको थियो । नियन्त्रणमा लिएर खानतलासी गर्दा दिनेशकुमार यादवको साथबाट ब्राउन सुगरजस्तो देखिने पदार्थ ३६ ग्राम बरामद भएको जानकारी डीएसपी खतिवडाले दिए ।

उनका अनुसार पक्राउ परेका दुवै जनालाई जिल्ला प्रहरी कार्यालय सुनसरीमा राखेर थप अनुसन्धान अघि बढाइएको छ । उनीहरुविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.